BNI MADAGASCAR, banky Malagasy voalohany, dia mametraka ny kalitao ho ivon’ny paikadiny.
BNI MADAGASCAR amin'ny maha Banky Malagasy Voalohany azy, dia mampiseho am-pireharehana fa banky naorin’ny Malagasy ho an’ny Malagasy.
Ny kalitao no singa tena fototra ahafahanay manatanteraka ny tanjona stratejika napetrakay, ary miankina amin’ny soatoavina efatra manan-danja izany :
Ny kalitao, fanatsarana mitohy ho fahafaham-pon’ny mpanjifa
Ny tanjona fototry ny Rafitra Fitantanana ny Kalitao dia ny fahafaham-pon’ny mpanjifa anatiny sy ivelany.
Miankina amin’ny kalitaon’ny asa ataon’ny tsirairay izany.
Miorina koa amin’ny fanajana ny fepetra ara-dalàna, ara-pifehezana ary takian’ny mpanjifa, mba hahazoana antoka fa mifanaraka amin’ny fenitra ny tolotra ary voafehy ny risika.
Ny kalitao, lalana sy fitaovana
Zava-dehibe ny fanamarinana fa mahomby ny firosoana amin’ny kalitao.
Mba hahafahay manatanteraka ny iraka napetrakay, ao anatin’ny fanajana ny soatoavina ijoroanay, dia manolo-tena izahay hanatsara hatrany ny Rafitra Fitantanana ny Kalitao :
- Mihaino sy mamaly ny filàn’ny mpanjifa sy ny tsena
- Mamantatra ny risika sy ny vintana, ary manatanteraka ny fepetra mifanaraka amin’izany
- Manome andraikitra ny mpiara-miasa ary mamiakatra ny fahaizany
- Manatsara ny tontolon’ny asa sy ny fitaovana ampiasaina
La qualité, un engagement des collaborateurs et du management
Mihoatra lavitra noho ny fanarahana fenitra fotsiny ny kalitao.
Toe-tsaina, fitondran-tena, fandraisana andraikitra, fahavononana ary firotsahana amin’ny asa no anisan’ny mamaritra azy.
Zava-dehibe amin’ny fahombiazantsika ny fanoloran-tenan’ny rehetra amin’ny firosoana amin’ny kalitao.
Raha miara-mientana isika rehetra, dia afaka manangana kalitao maharitra ao anatin’ny orinasantsika
Antananarivo, ny 29 Septambra 2017
